تفسير المنامات

سمير طحان
فسرلي منامي
حلب 1986
المقدمة
استخارة الختميّة: 1- بدّك تعرفي منو ديتجوّزك، خيّطي على قميص نومك وراق ختميّة وإلبسيه ونامي وأكيد بتشوفي بمنامك الديتجوزك.
2- خطّابك كتيرين ومحتارة مين تاخدي؟ إكتبي أساميهنّ على وراق ختميّة وحطّي هالوراق فوق قلبك ونامي، بتشوفي بمنامك يلّي لازم تاخديه.
استخارة الكتب المقدسة: تقرأ التوراة أو الإنجيل أو القرآن من صحوتك إلى نومك طول اليوم دون طعام أو شراب فترى في منامك أحد موتاك الأعزاء يحضر ويعطيك الجواب الشافي على ما أنت محتار فيه وإذا لم يحدث ذلك تعيد الاستخارة في اليوم التالي فإذا مضى ثلاثة أيام ولم تحصل على جواب تؤجل الموضوع إلى الشهر التالي وتعيد ما شرحناه سابقاً.
الدنيا منام وطالبا غريب.
العصافير بشوفوا بمنامن عبياكلوا قنبز.
غرامك دايم، في منامك يا نايم.
الفرح منام.
القط الجوعان، كل منامو فيران.
شجر المناهل يزرعها الملائكة ويسكنون فيها إذا نام المريض تحتها جاءه هاتف في المنام ودله على الدواء الناجع أو الشافي وحرام قطع ولو ورقة منه.
صدا: إله الموت. كانوا يعبدون أمواتهم لأنّهم يرونهم في المنام وفي أحلام اليقظة. ينادونه ليحضّر لهم مكاناً مريحاً بعد موتِهم. يرد اسمه في الحجابات والحروزة والرقى والتعاويذ مثل: لك البقاء يا صدا كلما الحادي حدا.
الشيخ مفتاح: شيخ يفتح الرزق والطرق المسدودة، تنام وتضع تحت رأسك رغيف خبز وفيه مفتاح لا يلزم فترى في المنام جائعاً يطلب منك طعاماً فتعطيه الرغيف والمفتاح وفي اليوم التالي تعطي الرغيف إلى شحادّ وترمي المفتاح في الطريق، فينفتح رزقك وتفتح كل الطرق أمامك وقبل النوم عليك أن تقول ثلاث مرات: يا شيخ مفتاح افتاح الجاية واقفل الراح.
الله بفرجينا الحقيقة بالمنام ولهيك المنام حقيقة.
الحلم من الشياطين والرؤيا من الملايكة والمنام من الناس وكلن من الله.
إلحقوا إشارت المنامات، بتصلوا للغايات.
تعشّى ونام بكبسك المنام.
الجوعان بشوف بمنامو سوق السقاطيّة.
لا تنام وتحت راسك لباس ولا تشوف منامات بشعة.
الاحتلام بفسخ المنام.
لا تحكي منامك لحدا قبلما يقلّك خير انشلاّ وإلاّ بنقلب المنام لشرّ.
حطّ سكينة تحت مخدة نومك، ما بتشوف منامات بشعة.
الدم بفسخ المنام.
إرقص في بيت المي، بفسخ منامك العاطل.
ميزان المنام الطعام.
الطيف المجهول إذا زارك ثلاث مرات في المنام أو في اليقظة دليل على أنّك ستلتقي بصاحبه حتماً في الواقع.
الطيف المعروف إذا زارك ثلاث مرات في المنام أو اليقظة دليل على أنّك وصاحبه لابد وأن تقيما سويّة صلة حميمة كالزواج مثلاً أو علاقة وطيدة كالشراكة في الواقع.
الطيف المسافر: طيف يزور في المنام أو في اليقظة فيأخذك إلى مكان غير الذي أنت فيه وقد يأخذك ويطوف بك في العالم أو في الفضاء الكوني أو في العالم الآخر وبعضهم يؤكدون أن الطيف أخذهم إلى الجنة والبعض الآخر إلى النار وآخرون إلى القمر وهكذا… المهم أن الطيف في النهاية يعيدك سالماً إلى مكانك حيث كنت وكثيرون يعرضون عليك آثاراً مادية جلبوها من المكان الذي أخذهم الطيف إليه.
الطيف: الخيال الزائر غالباً في المنام ونادراً في اليقظة وبعضهم يؤكدون أن قد زارهم طيف متجسّد وأنّهم لمسوه لمس اليد وتحدّثوا وأكلوا وشربوا معه وأن الطيف ترك لهم أثراً مادياً كرسالة أو منديل أو… وهم يصرّون على ذلك ويعرضون عليك ما ترك الطيف من أثر مادّي.
ليمونة المنام: ليمونة تقسمها إلى نصفين فتخرج منها فتاة كنت قد رأيتها في المنام فإذا لم تسقها ماء على الفور، غابت وإذا سقيتها ماء، ظلّت وهامت بكَ إذا حاول أحد قتل فتاة بالمنام تحولت إلى طائر وإذا ذبح أحد هذا الطائر سقطت ثلاث قطرات من دم بني اللون على التراب وصارت شجرة ليمون وأعطت ليمونة نقسمها فتعود وتخرج إليك فتاة المنام.
لا تنام وجنب راسك صرماية، ما بتشوف منامات بشعة.
لا تقصّ ضافيرك بالليل، تما تشوف منامات بشعة.
لا تصدّق منام، كلّو كلّو أضغاث أحلام.
قبلما تحكي منام عاطل قول الله وانشلاّ على جبال الخراب وإلاّ بسير حقيقة.
إبزق تلات مرّات على طرف الشمال بفسخ منامك العاطل.
المنام إبن الليل.
المنام بتفسر بالعكس.
كول ونام بتشوف ألف منام ومنام.
كول ونام بتحكي بالمنام.
الكلام ما ببرّد منام.
قللّ طعامك تحمد منامك.
كرهتو في المنام، شفتو في الحمّام.
لا تنام بجراباتك، ما تشوف منامات بشعة.
لا تنام بين القبور ولا تشوف منامات وحشة.
المنامات نبوءات.
شفت نفس المنام تلات مرات أكيد رح يتحقق.
المنام يا كفّارة يا إنذار يا جواب.
منام الجوعان خبز وبانجان.
منام العطشان يا ميّ يا برتقان.
مغارة العصايات: مغارة فيها كان عصي الأنبياء والحكام والمقدور له أن يصير نبياً أو حاكماً ينخطف في المنام ويأخذ عصا من هذه المغارة ويتّصف بصفات العصا التي أمسكها.
إحكي منامك العاطل بالتشمة وإقرص بطن فخدك بفسخ.
المنامات رسايل.
إكتم المنام ولا تفضح سرّو تما يفكس.
حط بصلة على عتبة باب الزقاق بفسخ منامك العاطل.
منامات آخر الليل، صحيحة وصادقة.
منامات الضحى والعصر، ضعيفة وفاسخة.
منام وجّ الصبح بكون رؤيا.
لا تحكي المنام البشع كو إذا حكيتو بتحقق ها.
عطي رغيف خبز وبصلة لفقير بلا ما تشوف وجّو بفسخ منامك العاطل.
ودع الميت قبل دفنو ما بتعود تشوفو بمنامك.
بدك تشوف منامات كتير، نام على ضهرك.

ألف

الله بالمنام خير وبركة والنيية علامة.
أكل المخاط بالمنام، أكل مال حرام.
الإيدين بالمنام شغل.
أخد شي بالمنام من حدا بتعرفو وصول وحصول.
أكل قشر بيض بالمنام، تعدّي على حقوق بيت أو مسكين أو ضعيف.
الأستاذ بالمنام سلطان.
الأرنب بالمنام مرا لا بتضر ولا بتنفع.
الإبرة بالمنام فرج بعد ضيق.
الأدان بالمنام خبر صحيح وصيت منيح.
الأبيض بالمنام هنا وغنى وشرف وترف.
الأصفر بالمنام مرض وعرض وعلة ودلة.
الأسود بالمنام فرح وفرج، حظ وعز.
الأزرق بالمنام، أمل وعمل ومحبة ومودة.
الأحمر بالمنام حركة وبركة ونزق ورزق.
الأرنب بالمنام يا رجّال خويف يا مرا عاطلة.
الأرنب بالمنام مرا إذا كمشتو بتتجوز وإذا دبحتو بتروح منك.
الإبرة بالمنام للفقير سترة حال.
الإبرة إذا شافا أعزب بالمنام بكون ديتجوز.
الإبريق بالمنام توبة عن المعاصي.
الإبريق بالمنام للحبلى صبي.
الأسطوانة بالمنام خدامة.
أكل العرموطة بالمنام، شفا بالمرض.
إيد السلاح بالمنام، الأب أو الجد.
إنقطع الدكر بالمنام، موت.
أكل الظوظ بالمنام ربح كبير.
أكل الطيور بالمنام، حصول على مرا.
الأسنان والأضراس بالمنام أفراد العائلة.
الأنف بالمنام الجاه والباه.
أصابع اليدين بالمنام أولاد الأخوة والخوات.
أصابع الإجرين بالمنام أحلامك وأرزاقك.
أرض البيت بالمنام الأب.
الأرض بالمنام دنيا ومرا.
الابتسام بالمنام بشارة وسلام.
الابتسام بالمنام بشارة بغلام.
الأنف الملان مخاط بالمنام مرا حبلى.
أخد القميص من حدا بالمنام، وظيفة ومنصب.
أخدت حبلة من حدا بالمنام رح تصاهرو أو تشاركو.
الأنبياء في المنام يا بشارة يا إنزار.
الأبيض في المنام بركة.

باء
البيطار في المنام قوّاد.
بلوغ الولد بالمنام خير ومدد.
البيض النيّ بالمنام مال حرام والمطبوخ مال حلال.
البكا بالمنام فرح في الواقع.
البزقة في المنام رزقة.
الببغاء بالمنام يتيم.
البلبل بالمنام ولد وجّو خير.
البنّا بالمنام فاعل خير.
البومة في المنام حرامي أو حدا بدّو محامي.
البط بالمنام إذا بالمي مساعدة ومساندة وإذا على الأرض أو بالجو مال رايح.
البقّة بالمنام زلمة ضعيف ومسكين.
البيض بالمنام نسوان.
البوسة بالمنام فرقة بالواقع.
البزر بالمنام علك فاضي.
البطيخ بالمنام عرض لشغل.
البندق بالمنام مجادلة ومال بعد مناهدة.
البندورة بالمنام حكي لجس النبض.
البكا مع صوت بالمنام مصيبة أكبر مالموت.
البكا بلا دمع بالمنام، شدة ومالا دفع.
البكا دم بالمنام حسرة وندم.
البقرة بالمنام سنة.
البغل بالمنام بندوق.
البغلة بالمنام مرا عاقر.
البلّور بالمنام نسوان.
البرادي بالمنام نحس وتعس.
البطن بالمنام مال.
البزاز بالمنام بنات.
البرص بالمنام صحة.
بيت السلاح بالمنام الزوجة أو الكنّة.
باب البيت بالمنام صاحب البيت.
البستان بالمنام مرا.
البرتقان بالمنام بنات للجازة.
بواب الغرف بالمنام نسوان.
البرق بالمنام خوف وطمع.
البحر بالمنام ملكية واقتناء.
البكا مع صوت على حاكم بالمنام زيادة بالمظالم.
البكا بلا صوت على حاكم بالمنام زيادة بالمراحم.
البزقة بالمنام حكي عاطل.
البزقة في جامع بالمنام، وعظ وارشاد لحدا ضايع.
البزقة على حيط بالمنام، حسنة وزكاة.
البزقة على الأرض بالمنام مال مهدور.
البزقة على سجرة بالمنام، كدبة وخيانة.
البزقة بالمنام إذا كانت سخنة طول عمر وإذا كانت باردة قصر عمر وإذا كانت سودا غم وهم وإذا كانت صفرا مرض.
البزقة على الوجّ بالمنام، سبّ وإهانة وشتيمة.
البزقة المخلوطة بالدم بالمنام، كذب ونفاق وحرام.
البدوية بالمنام خير على الدوام.
بلوغ البنت بالمنام حظ وبخت.
البقال بالمنام زلمة دغري.
البطيخة بالمنام مرا.
البخور في المنام فرح وسرور.

تاء

التمرّي بالمنام جازة.
التخسيل بالمنام هموم دتروح.
التعزيل يعني التعسيف والتكنيس والشطف والتمسيح بالمنام نكد وزعل وتخبيط ديروحوا.
التياب إذا صارت حديد بالمنام صحة وعافية وعيشة صافية.
التمساح بالمنام عدو.
التور بالمنام إذا بقرون سند قوي وإذا بلا سند ضعيف.
التوار بالمنام أمراض وأعراض.
الترس بالمنام حرص.
التابوت بالمنام نقلة.
التاج بالمنام للرجال جاه وباه وللنسوان حبيب ونصيب.
التياب الوسخة بالمنام همّ وغمّ ونكد وكمد.
التياب النظيفة بالمنام غنى وهنا وسعد ووعد.
تياب الرجّال بالمنام مرتو أو نسوانو.
تياب المرا بالمنام جوزها أو صاحبها.
التفاح بالمنام نسوان دتعاشرن.
التبن بالمنام ندم وحسرة.
التسكير بالمنام يا سترة يا فراق.
التراب بالمنام مال.
التلج بالمنام إذا قليل فرح وفرج وإذا كتير ترح وحرج.

جيم
الجنازة بالمنام جازة.
الجنازة بالمنام نقلة مالبيت.
الجيجة بالمنام مرا مُحبة.
الجبنة بالمنام رزق.
الجلوة بالمنام لومْ ويروح.
الجوع بالمنام خسارة أو تجارة.
الجارية بالمنام خير على الدوام.
الجواهر بالمنام نسوان.
الجوز بالمنام نسوان.
الجراد بالمنام عسكر.
جلود الحيوانات المفترسة بالمنام وراثة.
الجسر إذا خفس بالمنام، موت حدا مّهم.
الجسم إذا تحوّل إلى حديد بالمنام يعني رح يطول عمرك.
جلود الحيوانات الأليفة بالمنام رزقة.
الجمل بالمنام أمل وسفر.
الجزدان بالمنام سر.
الجب بالمنام، مال مخزون وحب مكنون.
الجبال بالمنام رجال.
الجورة بالمنام قطوع.
الجنة بالمنام خير وبركة.
الجردون في المنام شخص ينقل الأحاديث الملفّقة ليوقع بين الناس ويبعث على الشقاق.
جهنم بالمنام شر ونقمة.
الجوز بالمنام إذا كان أخضر بكون مديح وحكي حلو وإذا كان يابس وبقشروا بكون ذم وحكي بشع وإذا كان يابس ومقشور بكون سر ودينحكى.

الحاء
الحادي بالمنام قوة.
حلاقة الدقن بالمنام فرج للمتضايق وضيق للمفروج.
الحامض بالمنام نكد وكمد.
الحنطة بالمنام مال مؤجل.
الحمّص بالمنام حسّاد.
الحشايش بالمنام محبة وغرام.
الحصو بالمنام حكي عاطل.
الحطب بالمنام ناس عاطلين باطلين.
الحفر بالمنام مكيدة وفخ.
حيطان البيت بالمنام رجالو وشبابو.
الحلاوة بالمنام مرار.
الحبَل بالمنام تهمة ووصمة.
الحمّص بالمنام حكي بمغّص.
الحليب بالمنام رزق ووفق.
الحزقة بالمنام، توبة وخوف.
الحدّاد بالمنام حاكم.
الحلاق بالمنام زنكين.
الحمامة بالمنام أم ولادك يا بنت من بناتك.
حلب الحواوين بالمنام رزق إذا طلع دم أو قيح مع الحليب بكون مال حرام.
الحيّة بالمنام، يا بنيّة، يا مرا مشرانيّة.
الحية الخضرا بالمنام عدوة بتوب صديقة.
الحية بالمنام عدو.
حبيبك بالمنام تراه وعدوك بالمنام تراه.
حفر القبر بالمنام، تعمير بيت.
الحمار بالمنام سعد ووعد.

خاء

الخروف في المنام تبعيّة ومسؤولية.
الخلخال بالمنام، للرجال شدة وللبنت خطيب وللمرا ولد.
الخبّاز بالمنام طالب زواج.
الخابية بالمنام خيبة إلاّ إذا انكسرت في بير أو نهر.
الخاتم بالمنام، للرجال مال ومرا وللنسوان رجال وولد.
الخرز بالمنام مال ونسوان وحكي.
الخياطة بالمنام إذا تياب رجال نصيحة وإذا تياب مرا فضيحة.
الخضرة والفاكهة بالمنام إذا بأوانا مال وحلال، إذا بغير أوانا حكي.
الخفيس بالمنام مصيبة.
الخمر بالمنام دمع.
الخبز بالمنام رزقة.
الخيل بالمنام إذا مسروجة خير وإذا بلا سروج سيل وويل.
الخروف بالمنام سعد ووعد.
الخنـزير بالمنام زلمة خبيث.
الخوري بالمنام رجّال بلا قلب.
الخصيات بالمنام بنات الرجال.
الخادمة المغاواية بالمنام خبر حلو ومفاجئ والعابسة خبر بشع والضعيفة فقر والعريانة خسارة.
الختيارة بالمنام خير على الدوام.
الختيارة إذا صارت صبية بالمنام شقا وضنى بعد غنا وهنا.
الختيار إذا ركب صبيّة بالمنام تعس ونحس وعلِّة وذلّة.
الختيار إذا ركب ختيارة بالمنام صحّة وعافية ودنيا صافية.
الخزانة بالمنام غربة.
الختم بالمنام سين وجيم.
الخياط بالمنام زلمة بايعا.
الخبّيزة في المنام جازة.
الخنـزير بالمنام زلمة خبيث.

دال
الدابّة بالمنام مرا.
دخلة صبيّة حلوة على بيت بالمنام، مال رايح ورزق رابح.
الدوّاية بالمنام دوا.
الدمع بلا بكاء بالمنام استقبال ولقاء.
الدمع المحبوس بالعينين بالمنام ربح ووفي دين.
الدهب بالمنام، داهوب.
الدمع البارد بالمنام فرج والساخن هم.
الدغدغة بالمنام، مضاربة بالعمل ومعاكسة بالعيشة.
الدوّاية بالمنام مرا.
الديك بالمنام نديم.
الدرج بالمنام مرا عاطلة.
الدبان بالمنام حكي وعلْك طالع نازل.
الديب بالمنام غشّاش.
دخلة الحلوة بالمنام على بيت، غنى وهنا.
الدهب بالمنام، إذا قليل مربح وإذا كتير خسارة.
الدبح بالمنام غدر.
الدود بالمنام رزق.
الدخنة بالمنام خطر.
الدالية بالمنام مرا.
الديك في المنام عاشق أو خاطب ملحاح يعاود التودّد رغم الصدّ.
الدكاكين بالمنام، صيط عاطل.

ذال

راء

الرقص في المنام، لوعة.
الرمان في المنام، قلوب دتصافى.
الريق بالمنام، صدق وتوفيق.
الريق الناشف بالمنام، فقر وصدّ.
الريق إذ شرّ وما وصل للتياب بالمنام، نصيحة صحيحة.
الريق الدامي بالمنام، حكي عاطل.
الرجفة بالمنام، نخوة.
الروس المقطوعة بالمنام، اجتماع أو حفلة.
ردّ السلام بالمنام، صلحة بعد خصام.
الريحة الطيبة بالمنام، ذكر بالمليح.
الرتّا بالمنام، زلمة مشاكلجي.
ركوب الحيوانات بالمنام، إذا رجّال عز وجاه إذا مرا جازة.
رعي الحيوانات بالمنام، حكم وسلطان.
الرمح بالمنام، إذا بحربة صبي وإذا بلا حربة بنت.
الرصاص بالمنام، حكي عاطل.
الرقبة بالمنام، أمانة.
الرمانة بالمنام، مرا.
الرعد بالمنام، ظلم وألم.
الرضاعة بالمنام، عسر وعكر.
الرز النّي بالمنام، رزق وغنى والمطبوخ وِفْق وهَنا.
رميت طير بالمنام بحجر أو بمصاري ، فراق أو طلاق.
الرزّ بالمنام رزيّة.

زين

الزيتونة بالمنام أمل.
الزهرة بالمنام إذا على أمّا خطبة يا جازة وإذا مقطوعة فراق يا طلاق.
الزبيب بالمنام عطيّة من حبيب وحكي سماعو بطيب.
الزهر عالأراضي والسقوف والحيطان بالمنام، زلغطوا يا نسوان جايين العرسان.
الزبيب بالمنام نميمة، أو حكي فسفسة.
الزعفران بالمنام مال وكمال.
الزنبوط الطاير بالمنام، زلمة بضل مسافر عبلفّ وبدور.
الزلحفة بالمنام عالِم.
الزنبوط في المنام خبر مزعج.
الزلعطان بالمنام، زلمة مشاكس معاكس.
الزلزلة بالمنام إذا انهزّ البيت خضّة وخبطة وإذا أنهزّت الأرض مصيبة عالمية.

سين

السمك بالمنام، الزغير همّ و الكبير رزق.
السلام بالمنام سلامة.
الستور بالمنام، سترة.
السيف بالمنام، فتنة.
السروال بالمنام، ولاية ومنصب.
السلام على شيخ معروف بالمنام جازة وعلى شيخ مجهول عازة.
السلام على حدا بتعرفو بالمنام صلحة، يا زيادة محبّة.
السلام على حدا ما بتعرفو بالمنام مصاهرة، يا صحبة.
السجن بالمنام همّ وغمّ وقلّة وذلّة.
السرّاج بالمنام حكواتي.
السنونو بالمنام زلمة بخاف الله، أو شب حرِك.
السبع بالمنام عدو.
سياسة الدواب بالمنام وظيفة كبيرة ومنصب عالي.
السلاح بالمنام جاه وباه وسلطان وأمان.
السوارة بالمنام للرجال ضيق، للبنت صديق وللمرا رفيق.
السفرة بالمنام معيشة بين الناس.
السمسم بالمنام نميمة وإغتياب.
السقف الفوقاني بالمنام الأب والتحتاني الأم.
السيل بالمنام ويل.
السفينة بالمنام خلاص.
الساقية بالمنام عيشة كويسة وبشارة خير.
سقاية الزروع بالمنام مجامعة ومضاجعة.
السما بالمنام شرف وكرامة.
السمينة بالمنام موسم خير.
السواد بالمنام فال عاطل.

شين

شعر الغزل في المنام، بكا وعويل.
شعر الحكمة في المنام، فرح وسرور.
شعر الهجاء في المنام، شهادة زور.
شفت بالمنام السما تحت والأرض فوق، هالليلة ليلة ركوع السجر أو ليلة القدر.
شفت حالك عبتمرّا بالمنام، مرطك حبلة وديجيك صبي.
شرا العبد بالمنام، فرج وبيعو شدّة.
الشجر بالمنام، مشاجرة.
الشعر الطويل بالمنام، صحّة وعافية.
الشبع بالمنام، تحصيل مال أو دينة دترجع.
الشيخ بالمنام، صديق والجدّ إذا عايش.
الشب بالمنام، عدو.
الشب إذا صار شيخ بالمنام، عزّ وحظّ وسعد ووعد.
الشيخ إذا صار شب بالمنام، مرض وعرض وهمّ وغمّ.
شرا الجارية بالمنام، خير.
الشطرنج بالمنام، زور وقال وقيل.
الشقرّق بالمنام، رجال الله.
الشفف بالمنام، أصدقاء ورفاق.
الشجر بالمنام، رجال.
الشعير بالمنام، رزق معجّل.
الشبابيك بالمنام، بنات.
الشمس بالمنام، الملك أو الرئيس أو الأم أو المرا.
شفت جنازتك بمنامك، يا نيّالك رح تعلى وتغنى وتعيّش ناس كتيرين.
شفتي بمنامك نسر براسين خطفك؟ هدا البعل ورح تتجوّزي.
شفتي بمنامك أجاكي صبي فال عاطل وإذا بنت فال كويس.

صاد

الصبي بالمنام وجهنة ولأمنة.
الصبي بالمنام حكم وسلطان.
الصيرفي بالمنام رجل الدين.
الصايغ بالمنام غشّاش.
الصبّاغ بالمنام كدّاب.
الصوف بالمنام غنيمة ووليمة.
الصباط بالمنام، المرا يا الشريك.
صدت أرنب بالمنام، رح تحصل على مرا بالحرام.
الصفير بالمنام شرّ كبير.
الصبيّة بالمنام عدوّة.
الصبيّة بالمنام إذا صارت ختيارة عزّ وحظّ وغنى وهنى.
الصبي بالمنام همّ.
صيد الطيور بالمنام، مكيدة من رجل لمرا.
الصعود بالمنام علو.

ضاد

الضرب بالمنام قوة.
الضحك بالمنام ضنك.
الضحك بعد البكا بالمنام، أجل قريب.
الضو بالمنام قرار.
الضبعة بالمنام مرا عاطلة.
الضفر بالمنام ظفر.

طه
الطاقة بالمنام منفذ.
طبخ أكلة على نار بالمنام إذا استوت مشروع دينجح وإذا ضلّت نيّة خسارة وعدم توفيق.
الطريق بالمنام سفر.
الطبّاخ بالمنام كرّار.
الطحّان بالمنام مكّار.
الطاوووس بالمنام مال وجمال وكمال ودلال.
طوق الذهب بالمنام أمانة.
الطلاق بالمنام وفاق.
الطيران في المنام علاوة.
الطيور الجارحة في المنام سارق، مغتصب، ظالم.

ظه

عين

العصفور في المنام خبر.
العنكبوت في المنام حدا ديموت.
العطش بلا شراب بالمنام، خلاص من ورطة.
العزيمة على غدا بالمنام، رحلة قصيرة وعلى تعصيرة راحة وعلى عشا خلاص من مكيدة.
العلكة بالمنام، مال بعد قتالة أو حكي وكلام وعلك.
العلكة بتم الشب بالمنام لواط.
العيارة بالمنام، مال مهدور.
العطار بالمنام رجل دين.
العصافير بالمنام رزق.
العقرب بالمنام عدو.
العطسة بالمنام، رحمة وحمد ومزح.
العري بالمنام فضيحة.
عدوك بالمنام تراه.
العضّ بالمنام غمز ولمز.
العنـزة بالمنام مرا مطقطقة.
العرس بالمنام فرحة.
العيران بالمنام نكد وكمد.
العسل بالمنام شفا ووفا.
العدس بالمنام عيون.
العمار بالمنام نجاح.
عطا الميت بالمنام رزقة.
العاصفة بالمنام بركة.

غين
غزل القطن بالمنام هجر.
غزل الكتان بالمنام بحث عن الحكمة.
الغنا بصوت حلو بالمنام ربح وبصوت بشع خسارة.
الغنا بالمنام تعكير وخصام وفراق أحباب.
الغنا في السوق بالمنام للغني فضيحة وللفقير نصيحة.
الغنا في الحمّام بالمنام، علك بلا طعمة.
الغبرة بالمنام إذا واطية مال وإذا عالية تشويش وتضييع.
الغنا بالمنام وجع بالواقع.
الغرغرة بالمنام بربرة وحرحرة.
الغرق بالمنام إذا كان بميّ صافية نعمة وإذا كان عكرة نقمة.
الغفوة بالمنام غفلة.
الغيم بالمنام حكمة ورحمة.

فاء
فكس القمر بالمنام، جاية انقلاب في الحكم أو بلبلة في البيت.
الفار بالمنام مونة.
الفرواتي بالمنام شريك ربّيح.
الفرس بالمنام عز وكنز.
الفرس المجنّح بالمنام جاه وباه.
الفسفس بالمنام زجر وتوبيخ وتشنيع.
الفستق بالمنام مديح.
الفاولة بالمنام عتاب طويل.
الفاخوري بالمنام مزواج مطلاق.
الفاتحة في المنام رزق ووفق.
الفتح بالمنام يا جازة يا فضيحة.
الفحل بالمنام رجّال.
الفهد بالمنام محتال.
الفول بالمنام حكي لا معقول.
الفيل بالمنام عزّ وجاه.
الفارة في المنام مرّا عاطلة.

قاف

القلب إذا انقبض بالمنام بدّل على قبض الرزق.
القمر بالمنام وزير أو عالِم أو الأب أو الرجّال.
قصب السكر بالمنام، كلام حلو.
القصّاب بالمنام، إذا بتعرفوا زلمة دني وإذا ما بتعرفوا عزرائيل.
القنبز بالمنام علك نسوان.
القندرجي بالمنام واسطة خير.
القنبرة بالمنام ولد شلش.
قلع السن بالمنام موت.
قوس نشّاب بالمنام، أب وإبنو.
قوس القدح بالمنام أمان وضمان.
القرميد بالمنام وفق ورزق.
القرد بالمنام قوّة.
القبعات بالمنام عز وحظ.
القبر، بالمنام مرا أرملة أو مطلّقة.
القلعة بالمنام أمانة.
القلم بالمنام عالم وإذا معو دوّاية ولد.
القمل بالمنام مال.
القمردين بالمنام، سيرة مطوية وتنفتح.
القميص إذا اخدتوا من حدا بالمنام، وظيفة ومنصب.
قشور البيض أكلا بالمنام تعدّي على حقوق يتيم أو مسكين أو ضعيف.
القساوسة بالمنام أبالسة.
القاق بالمنام زلمة مبهدل.
القاق بالمنام محتاج، معوز، ذليل، مسكين، مغلوب على أمره.
القتل بالمنام مساعدة إنسانية.
القاق بالمنام خاين.
القرد في المنام متطفّل، دخيل، كتّير غلبة.
القطة في المنام بنت متلعبة.

كاف

الكواكب بالمنام ناس مهمين وعظماء مشهورين.
الكيس بالمنام، وقاية وحماية.
الكيّال بالمنام، قاضي.
كسر السلاح بالمنام، شرّ يا عنّة يا موت.
الكمر بالمنام، عز وحظ.
الكنافة بالمنام، آفة.
كأس السكرجي إذا انكسر بالمنام، توبة.
الكاهن بالمنام، زلمة لسانو حلو.
الكبش بالمنام، عزّ وحظ.
كتب العلم بالمنام، تفكير.
كتب الشعر بالمنام، ضياع.
كتب الدين بالمنام، تحسين سيرة.
الكرباج بالمنام ظلم واستبداد.
كلام الملايكة بالمنام، أصدق كلام.
الكركي بالمنام زلمة غريب أو مسكين.
الكبش في المنام، منافس.
الكلب في المنام، صديق يستعدي.

لام

لحمك إذا أكلتو بالمنام حاجة وعازة.
لحم غيرك إذا أكلتو بالمنام، نميمة إذا كان نيّ ومال حرام إذا كان مطبوخ.
لطم الذات بالمنام ندامة وحسرات ولطم الغير قوة على فعل الخير.
اللعب بالنرد بالمنام، خصام.
اللعب بالكعاب بالمنام، عبطة وورطة.
لبست تياب مرا بالمنام، رح تصيب زلّة وقلّة.
اللفت بالمنام، آفة.
اللوز بالمنام إذا كان أخضر محبة ووداد وإذا كان يابس وبقشره عتاب بين حباب وإذا كان يابس ومقشور كلام غرام.
لحمك إذا أكلتو بالمنام، منفعة جاية من مسايرة ومصالحة جاية من مداراة.
اللوز بالمنام، زوال.
اللجام بالمنام، قيد وغلبة.
اللحية بالمنام جاه وباه.
اللحمة المشوية أو المسلوقة أو المقلية بالمنام، رزق.
اللحمة النية بالمنام، عذاب.
اللحمة بالمنام،نقمة.
اللبن بالمنام، رزق ووفق.

ميم

الملايكة بالمنام خير بخير ويسر ونصر.
الموت بالمنام، عمر جديد.
مشطت شعرك بالمنام، جاييك سرور وحبور.
المشط بالمنام، علم نافع وخير جامع.
مخطت على مرا بالمنام، رح تحبل منّك وتطرّح.
المسك بالمنام فرح وسرور.
المهرة بالمنام، عروس وفلوس.
المغزل بالمنام، بنت.
المغزل إذا انكسر بالمنام، موت البنت أو الأخت.
المطر بالمنام، رحمة وخير.
الموج بالمنام، حيرة وغيرة.
المتجوّز إذا شاف مخطتو بالمنام بكون ديجيه صبي بشبهو وإذا مخط عالأرض بكون ديجيه بنت.
المطارين بالمنام، شياطين.
المقبور بالمنام، دتعدي عليه شدة كبيرة.
المكتوب بالمنام، خبر.
المرضان بالمنام إذا نام، تاني يوم قام.
المرضان إذا حذق بالمنام، بكون ديزيد مرضو.
المكحلة إذا ضاعت بالمنام، عمى وإذا انوجدت، شفا.
المخطة بالمنام إذا كانت عكرة، ولد عاطل وإذا كانت صافية، ولد مليح.
المتجوّز إذا شاف مخطتو بالمنام بكون ديجيه صبي بشبهو وإذا مخط عالأرض بكون ديجيه بنت.
المي بالمنام إذا كانت نبعا عمر الإنسان وسنينو وإذا كانت جارية معيشتو وحياتو.
المي الباردة شربا بالمنام، مال حلال.
المي بالمنام، عمر طويل.
المي بالمنام، غلبة.
مسحتلك مرطك مخطتك بالمنام رح تتحايل عليك لتحبل.
الميت بالمنام إذا أخد حدا، بكون هالحدا خلص عمرو.
الميت بالمنام إذا باسك بتكون تتربح وتنجح وأكيد تتفرح وإذا أنت بستو بتكون تتخسر وتفشل وأكيد تتزعل.
المي شربا كتير بالمنام غنى وهنا.
المصوّر بالمنام، دجّال.
المال إذا ذهب بالمنام خسارة.
المال بالمنام إذا فضّة ربح قليل.
المال إذا بالمنام نحاس أو حديد كلام عاطل.
المال صكّو بالمنام حلّ مشاكل.
المال إذا أخدتو من حدا بالمنام عداوة وبغض.
الميت شيلناه بالمنام، شعور بالذنب وإحساس بالغلط.
الميت إذا لفناه وضميناه وبسناه بالمنام بكون رح يطول عمرنا.
المقص بالمنام غريب بدو ياخد حبيب.
مرطك إذا شفت حدا ركبا بالمنام بكون جاية خير لبيت حماك.
المراية بالمنام دنيا.
الملتحية بالمنام عز وحظ لجوزا.
المرا إذا لبست تياب رجال بالمنام، قوة ودوّة ومنعة ورفعة.
المرا إذا شافتلا ذكر بالمنام وكانت حبلى بكون بدو يجيها صبي وإذا ما كانت حبلى بكون ما تتحبل أبداً.
المرا إذا شافت حالا عبتتمرا بالمنام، بتكون حبلى وبدو يجيها بنت.
المرا إذا نامت مع صبيّة بالمنام عداوة وبغضة وإذا مع ختيارة صداقة ومحبة.
المرا إذا أكلت لحم مرا بالمنام، مغازلة ومغالبة وملاحقة ومساحقة.
المرا إذا أكلت لحما بالمنام، زنى وعطل.
المرا بالمنام حلاوة.
المفروشات في المنام، المذكر خدم وحشم والمؤنث نسوان وصاحبات.
الميت إذا شفناه بمنامنا زعلان، لازم نساويلو حسنة على روحو.

نون

نبشت قبر بالمنام، إذا قبر حدا معروف، محبة وتقدير وتقليد وإذا حدا مجهول، ضياع وتشويش.
النوال بالمنام زوال.
النجوم بالمنام: أمراء وأسياد وأولاد وأخوة.
النجّار بالمنام: زلمة قدّ وقتو.
النحّاس بالمنام: سياسي.
النحلة بالمنام: خبر كاذب.
النسر بالمنام: سلطان.
النشارة بالمنام بشارة.
النصلة المبوّزة بالمنام، أمّ.
النصلة البلا بوز بالمنام إبنة.
النعسان بالمنام أمان واطمئنان.
النعامة بالمنام مرا غريبة.
النطاق في المنام عتاب.
النعجة بالمنام مرا شريفة وصديقة.
النعناع بالمنام صيت كويّس.
النمل بالمنام صديق ورفيق وكلّو سعد وتوفيق.
النمل بالمنام هموم.
النمر بالمنام عدو خطير.
النهر بالمنام زلمة.
النانرج بالمنام: نار وشدّة.
النايم بالمنام: ظالم.
النايم على ضهرو بالمنام: ديخلص من قهرو.
النايم مبطوح بالمنام: ديروح يا مالو، يا جاهو.
النبّاش البتعرفو بالمنام: عالم، والما بتعرفو: كتّير غلبة.
النسمة بالمنام بشارة.
النار الزغيرة بالمنام شدّة وغيرة.
النار المتوسطة بالمنام خلاص من ورطة.
النار الكبيرة بالمنام فرح وخيرة.
النار ذات الشرر بالمنام شرّ وضرّ وبلا شرر نفع وبرّ.
النار ذات اللهب الصاعد بالمنام أرزاق ووفاق وذات اللهب النازل خسارة ومرارة.
النار بالمنام: تار وشدّة.
النار الخفيفة بالمنام: إذا إلا شرار شرّ وضرار وإذا بلا شرار نفع وخير.
النار القوية بالمنام: رزق وفق إذا طالعة وخسارة وخصومة: إذا نازلة.
النبي بالمنام قوة وعظمة وعزة ورحمة.
نام عسكري الحرب بالمنام، تاني يوم سلام.
النبع المكشوف بالمنام فرج وفرح والنبع المغطّى حرج وترح.
النوال السريع بالمنام حضور غايب.
النوال البطيء بالمنام سفر.
النوال المتقطّع بالمنام سفرة ملغية.

هاء

الهدهد بالمنام مرشد ودليل.
الهوا بالمنام، إذا نسمة بشارة وإذا عاصفة بركة.
الهلال بالمنام زائر أو عودة غائب أو مولود جديد.
هرّ الشعر بالمنام، مرض.

واو

وقعت العمامة بالمنام، عمى.
الوداع بالمنام غيبة قصيرة.
الورد بالمنام، إذا ريّان خبر وإذا دبلاّن كدبة مفضوحة.
الوزّة بالمنام إذا بالميّ مرا جسما حلو وسمعتا طيّبة ومصراتا كتار.
الوزّ إذا بالميّ بالمنام كسب وربح ووصال.
الوزّ بالمنام إذا بالجوّ أو عالأرض خسارة وتضييع وفراق.
الوقعة عالراس بالمنام ورطة بالأساس.
الوقعة على جنب بالمنام ردّ على طلب.
الوقعة على الضهر بالمنام خلاص من ظلم وقهر.
الولادة بالمنام إذا صبي فرج في ضيق وإذا بنت صديقة أو صديق.
الولد بالمنام همّ.
الوداع بالمنام غيبة قصيرة.
الوزّ في الماء بالمنام ربح ووصال وفي الجوّ خسارة وفراق وعلى الأرض فرصة سانحة.
الوقعة على الرأس بالمنام ورطة بالأساس وعلى جنب ردّ على طلب على الضهر خلاص من ظلم وقهر.
الولي بالمنام مساندة ومساعدة.
الولادة بالمنام إذا صبي فرج من ضيقة وإذا بنت صديقة.

ياء

الياسمين بالمنام يأس سينقلب أملاً.
يوم القيامة بالمنام عدل وانصاف وعودة الحق لصاحبو.
الياسمين بالمنام زيارة حدا أو محلّ جديد أو جيّة غايب أو مولود.