قديسة بربارة
اغاني و طقاطيقك وموالات وادوار…. من حلب
بإشراف سمير طحان
قديسة بربارة
عند الرب المختارة
ابوكي هلكافر
هلعبًاد الحجارة
أخدت بنتو الكتاب
صارت تقرا وما تنتاب
قالتلو يا ابويي
دينك دين الكداب
تعا لدين النصارى
قللن خدو بنتي
عذبوها
عذبوها لتموًتوها
عذبوها سبع عذابات
بلكي تعدًي
عن دين النصارى
قالتلو يا ابويي
ويا مسكين
بنتك عن عقلها
ما بتلين
لو دبحوها بالسكين
لو حرقوها بالنارة
جاب السيف يدبحها
صار السيف اسوارة
جاب الحبلة يشنقها
صارت الحبلة زنارها
جاب النارة يحرقها
صارت النارة بخورة
قللن خدو بنتي
شلحوها
بلا تياب
خللوها
بالحارات مشوها
بلكي تعدي
عن دين النصارى
شللحوها كل تيابا
وصًل شعرها ل كعابا
عميو شيبا وشبابا
الحقنا يا رب النصارى
قديسة بربارة
عند الرب المختارة
سلقنالق سليقة
ليش ما جيتي اكلتي
سوًينالك بقلاوة
ليش ما جيتي اكلتي
وكل عام والكل بخير
مع تحيات آل طحان